Strijat ose çarjet e lëkurës janë një nga makthet e vajzave sot. Disa thonë se parandalimi është i pamundur, ndërsa të tjerë thonë se ato mund të reduktohen. Që dhe ju të jeni më të qartë, abcneës.al më poshtë do ju tregojë gjithçka që duhet të dini mbi strijat.
1. Pse ndodhin çarjet e lëkurës
Shkaqet më kryesore janë shtatzënia dhe shtimi i peshës. Në rast se po përjetoni një nga këto të dyja, shtresa e poshtme e lëkurës do të çahet. Kjo nuk shkakton asnjë dëm në shëndet, përveçse disa vija të bardha të dukshme në sipërfaqen e jashtme të lëkurës. Nëse nuk merrni masa, do të keni probleme serioze me pamjen e lëkurës tuaj.
2. Kujt i ndodhin strijat?
Strijat janë një gjendje hormonale që shihet kryesisht te gratë. Ndërsa te burrat ndodh shumë rrallë. Në raste të shtatzënisë ose shtimit të peshës, strijat mund të shfaqen në zonën e belit, barkut, gjoksit dhe në kofshën e këmbës. Strijat mund të shfaqen dhe te trupat e dehidratuar, prandaj është e rëndësishme që personat me lëkurë të thatë të jenë të kujdesshëm dhe të vëmendshëm.
3. A është e mundur të parandalohet formimi i strijave?
Mund të mos jetë e mundur, pasi ka shumë gjasa të jetë edhe gjenetike. Sidoqoftë, formimi i strijave mund të zvogëlohet me disa masa paraprake si për shembull:
- Ruani ekuilibrin e lagështisë dhe fleksibilitetin e lëkurës duke pirë mjaftueshëm ujë çdo ditë.
- Zvogëloni sasinë e karbohidrateve dhe kushtojini më shumë vëmendje perimeve të gjelbra.
- Konsumoni omega-3, zink, vitaminë A dhe E, që janë efektive në mbrojtjen e lëkurës.
- Shmangni dietat e rrepta
A është i dobishëm kremi i diellit kundër strijave?
Mosarritja e lëkurës për të marrë vitaminat që i duhen mund të shkaktojë përkeqësimin e ekuilibrit të lagështisë me kalimin e kohës. Kjo situatë zakonisht manifestohet me dëshirën për të kruar. Në një rast të tillë, është e nevojshme të mos gërvishtet lëkura. Rekomandohet të bëni masazh me krem anti-strija rregullisht në mënyrë që të ruani ekuilibrin e lagështisë së lëkurës dhe të plotësoni vitaminat që i nevojiten nga jashtë. Kështu, formimi i strijave mund të zvogëlohet./e.b-abcnews.al
