Goglat rezervuan një super përballje mes Real Madrid e Liverpool dhe sigurisht që komentet për këtë sfidë ishte të shumta. Nuk mund të mungonte një opinion nga Roberto Carlos, i cili me nota humori prek edhe duelin mes Sergio Ramosit e Mohamed Salah.
“Salah as nuk do të afrohet në zonën ku do të jetë Ramosi. Do të jetë një incident për të cilin do të flitet shumë. Real do të luajë kundër një ekipi të mirë”, deklaron braziliani.
“Ndeshja e parë do të zhvillohet në Spanjë dhe forma e madrilenëve është shumë më e mirë se ajo e anglezëve. Gjithçka duhet të vendoset pikërisht në këtë ndeshje.
Gjëja më e rëndësishme është që Zidane t’i ketë të gjithë lojtarët në dispozicion dhe të dëmtuarit të kthehen sa më shpejt që të jetë e mundur”, përfundon Roberto Carlos. /abcnews.al
