Kim Kardashian dhe Kanye West kanë qenë kryefjala e mediave të huaja, pasi dhanë fund martesës pas më shumë se 6 vitesh. 40-vjeçarja bëri kërkesë për divorc në fund të muajit Shkurt, dhe ndarja mes tyre nuk ka qenë aspak miqësore. Mediat kanë raportuar se ata nuk flasin më me njëri-tjetrin, dhe reperi ka ndryshuar numrat e telefonit, duke i lënë mundësi asaj për kontakt vetëm nëpërmjet sigurimit të tij.
Megjithatë, asnjëri prej tyre nuk e ka konfirmuar publikisht lajmin e ndarjes. Heshtjen e ka thyer e ëma e Kim-it, Kris Jenner. E pyetur lidhur me këtë çështje, ajo u shpreh: “Gjëja e mirë për familjen tonë është se ne jemi mbështetës për njëri-tjetrin, kështu që gjithçka që dua është që ata të jenë të lumtur. Kjo është ajo që dëshiroj si mama“, tha ajo.
Megjithëse nuk dha asnjë detaj, Kris shtoi më tej: “Mendoj se të gjithë e duam këtë për familjet tona, të kemi dashurinë dhe vlerësimin për njëri-tjetrin dhe çdo gjë do bëhet mirë.”Kur u pyet nëse divorci i tyre do të trajtohet në sezonin e fundit të “KUWTK”, ajo tha: “Mendoj se është thjesht një çështje private. Kim dëshironte ta diskutonte këtë me familjen e saj në kohën e duhur, kështu që nuk kur të ndihet e sigurt ajo do të hapet për atë që dëshiron të tregojë.” /abcnews.al
