Loading ...
Kreu i Partisë Demokratike Lulzim Basha ka publikuar në rrjetet sociale momente nga vizita e tij sot në Elbasan me rastin e Ditës së Verës.
Në një nga fotot e publikuara Basha shihet teksa një vajzë i vendos veroren, simboli i kësaj feste. Në diçiturë kryedemokrati shkruan se do të sjellin ndryshimin për fëmijët e Elbasanit dhe gjithë Shqipërisë.
“Ne do të sjellim ndryshimin për fëmijët e Elbasanit dhe për të gjithë fëmijët e Shqipërisë! Ndryshimi po vjen!”, shkruan Basha.
Kujtojmë se Dita e Verës u shoqërua sot me incidente, pasi kryedemokrati Lulzim Basha dhe kryeministri Edi Rama mbërritën në qendër të Elbasanit në të njëjtin orar. Qëndrimi shumë pranë njëri-tjetrit në bulevardin kryesor të Elbasanit solli përplasje verbale dhe fizike mes mbështetësve të PD dhe PS. g.v/abcnews.al
