Nga Dylber Balla
Nada Meçorapaj, ish-deputete e PD në Vlorë dhe kandidate për zgjedhjet e 25 prillit në një prononcim për Abcnews.al sqaron debatet e forta mbrëmjen e sotme në kryesinë e degës së qytetit bregdetar për listat.
Meçorapaj hodhi poshtë zërat për një dorëheqje të drejtuesit politik, Bujar Leskaj, por nuk i mohoi debatet, që i cilësoi reaksione normale pas shpalljes së listave.
“Nuk ka pasur një gjë të tillë, disa reagime nga Kryesia e degës së PD Vlorë. Diskutime rreth listave, por nuk kanë arritur debatet deri në nivelin e dorëheqjes. Kaloi mbledhja me shumë mirëkuptim dhe nga nesër aktivitetet e Leskajt do të jenë aktive”.
Lexo edhe: Shkoi me urgjencë Vlorë pas sherrit? Kuliçi flet për Abcnews.al: Po shoh Juventusin me Leskajn
Kryesia nuk kishte pakënaqësi? “Kryesia e degës Vlorë nuk kishte me emra konkretë, pasi lista është e mirë”. Por a është e vërtetë që ka pasur kundërshti për prurjet nga Tirana? “Kandidatët e tjerë gjithsesi e kanë një lidhje me qytetin e Vlorës.
Ky është një reaksion që cdo strukturë politike e degëve e transmeton në një moment kur dalin listat e kandidatëve për deputetë, por struktura e gjen vetën sepse ka edhe numra që e përfaqësojnë. Bujar Leskaj është një figurë multidimensionale. Gjërat u sheshuan” tha Nada Meçorapaj për Abcnews.al.
Lexo edhe: Dorëheqje e Leskajt nga Vlora? PD: Shpifje nga Rama
Me urgjencë nga selia blu në Tiranë për në Vlorë u nis Agron Kuliçi, ish-zëvendësdrejtori i Përgjithshëm i Policisë së Shtetit, por Nada Meçorapaj e justifikon me pjesën e miqësisë.
“Mesa di unë përpos pjesës së miqësisë…..Vlora është një qark që bën lajm, kryeministri është deputet këtu, keqinterpretohen.
Të jeni të qetë se nga nesër aktivitetet politike do të jenë dinamike. Ne jemi shumë mirë” tha ajo.
Abcnews.al tentoi të kontaktojë me drejtuesin politik të PD-së Vlorë për të mësuar të vërtetën e tij, por Bujar Leskaj e kishte fikur telefonin.
LISTA e PD-Vlorë
Bujar Leskaj
Ina Zhupa
Fatjon Veizaj
Arber Agalliu
Gezim Ademaj (PDIU)
Nada Daullja
Jolio Dine
Julian Zoto
Nada Meçorapaj
Lasko Milto Nasti (PBDNJ)
Atird Hoxhaj
Alta Hazizi
Lorenc Dane
Edmond Fetah
Maniola Cikuli
Hysni Sharra
Ilir Gunbardhi
Afrovita Dhimojani
/ db/ Abcnews.al
