Loading ...
Rita Ora dhuroi një performancë mbresëlënëse nga “Sydney Opera House” ku interpretoi këngën “Bang Bang” nga mini-albumi më i fundit i publikuar pak javë më parë. Rita shfaqej e veshur me një fustan të zi transparent për performancën e saj për “The Tonight Show” nga Jimmy Fallon drejtpërdrejt nga Australia.
Këngëtarja, e cila vuri në pah fizikun e saj me fustanin saten të qëndisur me një pjesë rrjete që ofronte një pamje të linjave të saj trupore, ishte në formën e saj më të mirë dhe përsa i përket zërit. Autorja e shumë hiteve, e cila sapo ka përfunduar karantinën e detyrueshme 14-ditore u zhvendos së fundmi në Australi për spektaklin “The Voice”.
Duke folur për mini-albumin, Rita tha për drejtuesin e emisionit: “Kështu për mua ky është një produkt i izolimit. Dua të them se në mënyrën më të lirë, çliruese. Doja të bëja një projekt duke menduar se nuk kishte asnjë presion, ku shokët e mi të bashkoheshin. Ne i kemi bërë të gjitha virtualisht, si kjo intervistë.”, u shpreh ndër të tjera Rita. /abcnews.al
