Këpucët trend të sezonit na kanë rikthyer pas në kohë. Referencat e së kaluarës janë një konstante e çdo sezoni dhe koleksioni, dhe ka një dekadë që markat dhe dizajnerët i përndjekin vitet ’90. “Mania” e sezonit pranverë/ verë 2021 janë këpucët me majë katrore. Kohët e fundit i kemi parë kudo, nga koleksionet më të reja të modës dhe deri tek blogeret më të njohura.
Nga Bottega Veneta, që i ka “përqafuar” me kohë dhe deri tek markat më të njohura të momentit si Staud dhe Wandler, këto modele këpucësh kanë marrë një rol absolut. Nëse modelet e sheshta janë perfekte për një pamje të sofistikuar për përditshmërinë, këpucët katrore janë plotësimi ideal i kostumeve, xhaketave zyrtare dhe fundeve.
