Simon Cowell thotë se ndihet më mirë se kurrë pas aksidentit të tmerrshëm me biçikletë.Prodhuesi ekzekutiv i “America’s Got Talent” ra nga biçikleta elektrike jashtë shtëpisë së tij në Malibu, në gusht të vitit të kaluar, ku për pasojë iu nënshtrua një operacioni që zgjati 6 orë, i cili përfshinte vendosjen e një shufre metali në shpinë.
Duke folur për revistën e përjavshme amerikane “People”, personaliteti televiziv u shpreh: “Do të jem i sinqertë me ju, nuk ishte aq keq në të vërtetë, pasi dëmtova shpinën. Dua të them, nuk ishte e mrekullueshme për 3-4 javë, por pas kësaj mund ta kaloni. Duhej të bëja kaq shumë ushtrime. Në të vërtetë ndihem më mirë se sa para aksidentit.”, u shpreh ai.
Cowell tha më tej mes shaka se “nëse doni të ndiheni më të shëndetshëm, thyeni shpinën. Rrjeti NBC ka njoftuar se manjati i muzikës do të kthehet në panelin gjykues për “America’s Got Talent” së bashku me Heidi Klum, Howie Mandel dhe Sofia Vergara kur shfaqja të rinisë në verë. /abcnews.al
