Ellie Goulding është shfaqur për herë të parë në publik pasi konfirmoi lajmin se është në pritje të ëmbël. 34-vjeçarja zbuloi se ishte në muajin e tetë të shtatzanisë për revistën Vogue, ku shprehej se fëmija kishte ardhur pa planifikim dhe se ndihej e lumtur që po shijon këtë periudhë kaq të ëmbël.
“Nuk ishte në plan. Mendimi për të mbetur shtatzënë nuk dukej sikur mund të ishte një realitet. Të qenit shtatzënë më ka bërë më njerëzore. Këto forma nuk i kam patur kurrë më parë. Po e shijoj këtë. Gjithashtu dhe bashkëshorti im.”, u shpreh këngëtarja. Ndërkohë, ditën e sotme këngëtarja u shfaq në prezantimin e koleksionit Anthony Joshua x BOSS në Londër.
Paraqitja e fundit e Ellie ishte në Green Carpet Fashion Awards në Milano në Tetor dhe që nga ajo kohë ka kaluar gjithë kohën e izolimit në shtëpi në Gloucestershire. Autorja e hitit “Love Me Like You Do” dhe partneri i saj, Caspar Jopling njoftuan fejesën e tyre në Gusht të 2018-ës. Ata vendosën të lidhnin kurorë në vitin 2019, në një ceremoni mahnitëse në York Minster. /abcnews.al
