Pantallonat e gjera kanë qenë gjithmonë një nga elementet kryesore të veshjeve tona, por muajt e fundit kemi mësuar t’i vlerësojmë edhe më shumë, falë qëndrimit brenda katër mureve të shtëpisë. Janë bërë “miqtë” tanë të pandashëm, aleatë të çmuar, që krijojnë një pamje të rehatshme dhe njëkohësisht elegante.
E pamundur t’i rezistoni hijeshisë dhe komoditetit të pantallonave të gjera. Është një veshje e gjithanshme për t’u kombinuar dhe sigurojnë një rehati maksimale 24 orë në ditë. Për më tepër, tashmë që janë bërë trend ka shumë versione dhe modele të përshtatshme për çdo siluetë.
Por kanë një të metë: Ata shpesh na “torturojnë” kur bëhet fjalë për zgjedhjen e këpucëve të duhura për t’i veshur. Në fund të fundit, nuk ka rregulla strikte për t’u ndjekur, varet shumë edhe nga pamja që dëshironi të krijoni dhe modelet që dëshironi të vishni. /abcnews.al
