Loading ...
Prej ditësh në vendin tonë kemi mbizotërimin e motit të kthjellët dhe temperaturave të larta por duket se në Shkodër akoma vijojnë që të jenë nën ujë 1140 hektarë tokë.
Në raportin e saj më të fundit Bashkia bën me dije se zonat që vijojnë të kenë problem me praninë e ujit është Oboti, disa fshatra në njësinë administrative Dajç dhe Rrethina.
Oboti duket se është dhe fshati më i prekur nga përmbytjet që solli moti i keq në Shkodër ku si pasojë vijojnë të jenë të rrethuara nga uji 10 banesa.
Bilanci i plotë:
Nj.A. Ana e Malit
- Sipërfaqja e tokës bujqësore e përmbytur vlerësohet në 400 Ha, kryesisht në fshatrat Obot, Muriqan, Oblikë.
- Tokë e pakultivuar 80 Ha
- Foragjere të dyta, jonxhe 310 Ha
- Grurë 5 Ha
- Pemtore 2 Ha
- Bimë dekorative 3 Ha
2.Rreth 10 shtëpi kanë prezencë uji në oborre( fshati Obot)
- Në disa toka bujqësore niveli i ujit arrin në 50cm.
Nj.A Dajç
Sipërfaqja e tokës bujqësore e përmbytur vlerësohet në 450 Ha, kryesisht në zonën e quajtur “Këneta e Dajçit” (fshatrat Mushan, Shirq, Suka-Dajç, Belaj, Rrushkull, Samrish i Ri, Darragjat, Pentar-zona fushore), nga të cilat:
- Tokë e pakultivuar 100 Ha
- Foragjere të dyta, jonxhe 330 Ha
- Grurë 5 Ha
- Bimë dekorative 15 H
Nj.A.Rrethina
Sipërfaqja e tokës bujqësore e përmbytur vlerësohet në 290 Ha, në fshatrat Zues (tokat në fushen e Oblikës), Shtoj i Vjeter, Shtoj i Ri dhe Dobraç
- Tokë e pakultivuar 110 Ha
- Foragjere të dyta, jonxhe 180 Ha
-Në mbështetje të Urdhërit të Kryetarit të Bashkisë Nr. 125, date 17.02.2021 “Për ngritjen e komisionit për evidentimin e dëmeve të shkaktuara nga përmbytjet për periudhën Janar-Shkurt 2021”, po evidentohen dëmet në zonat ku kemi tërheqje të ujit. Konkretisht në Nj.Administrative Bërdicë, Nj.Administrative Velipojë dhe Lagjen Nr.1 (zona e livadheve)./abcnews.al
