Futboll i fortë dhe gola edhe në Kategorinë e Dytë. Tërbuni fitoi 4-1 në shtëpi ndaj Adës, me Kekon që ishte heroi i ekipit pukjan me tre golat e realizuar. Baholli kompletoi suksesin me “poker” të Tërbunit, teksa Frroku gjeti golin e nderit për Adën.
Me të njëjtin rezultat fitoi edhe Iliria në sfidën tjetër të grupit A. Ekipi nga Fushë Kruja mposhti 1-4 Valbonën jashtë fushe. Berisha kaloi vendasit në avantazh në pjesën e parë, teksa Iliria nuk u përmbajt në 45 minutat e dytë, duke shënuar plot katër gola.
Grupi A vijon të kryesohet nga Shkumbini me 25 pikë. Në vend të dytë Sopoti me katër pikë më pak, teksa më pas vjen Luzi me 20 pikë. Tre ndeshje u zhvilluan edhe në Grupin B të kësaj Kategorie. Fitore jashtë fushe për Maliqin dhe Devollin, teksa Permeti-Delvina u mbyll pa gola.
Maliqi iu fal golit të Kames në pjesën e parë për të dalë me tre pikë nga transferta në Patos kundër Albpetrolit. Feston edhe Devolli, ekipi tjetër juglindor që fitoi 0-2 në Këlcyrë. Butrinti mban vendin e parë me 25 pikë dhe ndiqet nga Labëria, Maliqi dhe Devolli. /abcnews.al
