Tottenham ka në sulm një dyshe fantastike. Harry Kane dhe Son Heung Min shënojnë rregullisht prej vitesh tek ekipi londinez dhe paraqitjet pozitive kanë ndikuar që të kenë oferta nga klube të ndryshme.
Kane, i cili mban edhe shiritin e kapitenit të Spurs, vlerësohet 150 milion paund (rreth 173 milion euro) nga drejtuesit e klubit. Kaq është shumë që duhet të paguajnë ata që kërkojnë shërbimet e sulmuesit 27-vjeçar.
Ndërkohë, janë ndërprerë bisedimet e rinovimit të kontratës me Son. Daily Mail raporton se gjithçka lidhet me situatën e vështirë të krijuar nga koronavirusi.
Lojtari aziatik ka një kontratë deri në verën e vitit 2023 dhe drejtuesit e Tottenham duan të zgjasin bashkëpunimin me 28-vjeçarin, të cilin e pret edhe një rritje e konsiderueshme rroge. /abcnews.al
