Të puthësh dikë që dashuron që vetëm të forconi marrëdhënien tuaj, por keni dhe një sërë përfitimesh të tjera të cilat do jua tregojmë më poshtë.
1. Arteritet tuaja bëhen më të shëndetshme
Një studim zbuloi se njerëzit që putheshin më shpesh kishin nivele më të ulëta të kolesterolit. Kur jeni duke u puthur, trupi juaj fillon të prodhojë më shumë oksitocinë. Ky hormon ndihmon në lehtësimin e stresit dhe ankthit, që mund të kontribuojë në nivele të larta të kolesterolit. Puthja mund të ndihmojë gjithashtu në uljen e presionit të gjakut.
2. Reagimi juaj alergjik mund të bëhet më pak intensiv
Puthja ul stresin dhe ju mbush me emocione pozitive, të cilat mund të ndihmojnë në uljen e alergjive. Sidoqoftë, duhet të keni parasysh se nëse partneri juaj ka ngrënë diçka ndaj të cilës jeni alergjik, mund të shkaktojë një reaksion alergjik.
3. Fytyra juaj mund të duket më e re
Shumë muskuj të fytyrës përfshihen kur jeni duke u puthur, kështu që tonifikon fytyrën tuaj si një stërvitje e vërtetë. Në minutë, mund të digjni deri në 26 kalori. Dhe për shkak se puthja rrit rrjedhjen e gjakut në fytyrën tuaj, kjo mund të stimulojë prodhimin e kolagjenit dhe elastinës, të cilat mund të ndihmojnë që fytyra juaj të duket më e re.
4. Dhimbja e kokës dhe ato menstruale mund të bëhen më të lehta
Nëse keni dhimbje koke ose menstruale, mund të jetë ide e mirë të përpiqeni të lehtësoni dhimbjen duke u puthur. Puthja zgjeron enët e gjakut dhe ul presionin e gjakut, kështu që mund të ndihmojë në zvogëlimin e dhimbjes.
5. Dhëmbët kanë më pak të ngjarë të marrin kavitete
Puthja rrit prodhimin e pështymës, e cila mund të mbrojë dhëmbët tuaj nga bakteret e dëmshme dhe të parandalojë prishjen e dhëmbëve. Disa ekspertë thonë gjithashtu se jonet minerale në pështymë mund të ndihmojnë edhe në riparimin e lezioneve të vogla në smaltin e dhëmbëve. Sidoqoftë, higjiena juaj orale dhe ajo e partnerit tuaj është shumë e rëndësishme, sepse ka edhe baktere që mund të transmetohen kur jeni duke u puthur.
6. Mund të humbni peshë
Puthja bën që trupi juaj të prodhojë më shumë dopaminë. Nëse nuk ka mjaftueshëm nga ky hormon në trupin tuaj, mund të keni më shumë dëshira për ushqim, që zakonisht do të thotë se mund të dëshironi të hani diçka jo të shëndetshme dhe me shumë kalori. Dhe edhe pasi ta keni ngrënë, mund të mos jeni plotësisht të kënaqur. Nivele më të larta të dopaminës mund të kontrollojnë oreksin tuaj dhe të ndihmojnë në parandalimin e shtimit të peshës.
7. Mund të ndjeheni më pak të përgjumur
Dopamina gjithashtu ndikon në nivelet tuaja të energjisë. Nëse nivelet e dopaminës janë të ulëta, ju mund të ndjeheni më të lodhur dhe keni nevojë për më shumë gjumë se zakonisht. Kjo është arsyeja pse puthja mund të rrisë zgjimin e trupit tuaj./e.b-abcnews.al
