Jamie Spears, i ati i Britney-t nuk do të jetë kujdestari i vetëm përsa i përket financave të saj. Një ditë më parë, gjykata mohoi kundërshtimet e Jamie për krijimin e Bessemer Trust Co si një bashkë-konservator mbi pasurinë e vajzës së tij, por tashmë i duhet të ndajë rolin me një institucion të pavarur financiar.
Jamie ka kontrolluar financat e 39-vjeçares që nga viti 2008, por “lufta” e këngëtares për t’i hequr babait të drejtën e kontrollit u vu sërish në qendër të vëmendjes javën e kaluar me publikimin e dokumentarit “Framing Britney Spears”. Dokumentari hidhte dritë mbi të kaluarën e saj, problemet me shëndetin mendor dhe luftën e saj për të rifituar autonominë.
Kjo ka nxitur fansat e Spears, të cilët kanë krijuar lëvizjen #FreeBritney, përmes së cilës kërkojnë që këngëtarja të rimarrë kontrollin në jetën e saj. Nëna e dy djemve, nuk ka performuar apo publikuar këngë të reja që kur deklaroi një ndërprerje nga muzika në fillim të 2019-ës. /abcnews.al
