Ivan Gazidis Është rikthyer të flasë për Milanin dhe temat që ka prekur janë të shumta. CEO i kuqezinjve ka folur gjerë e gjatë në një intervistë për Sky Sport dhe në mediat italiane janë publikuar copëza të saj.
“Ndjehem me të vërtetë një milanist. Erdha në këtë klub sepse kam një ëndërr. Dua të jem pjesë e rikthimit të Milanit mes klubeve më të mëdha. Dua një Milan modern dhe që rritet. Jemi në fillim të kësaj rruge”.
Nuk mungojnë edhe elozhet për trajnerin Stefano Pioli, të cilin Gazidis e cilëson si shumë të zgjuar. Sigurisht nuk mund të anashkalohet Zlatan Ibrahimovic, për të cilin thotë se “ai është përjashtim nga çdo rregull”.
Në fund jep edhe mendimin e tij për ecurinë pozitivë të Milanit këtë sezon. “Uniteti është vendimtar dhe unë ndjehem pa asnjë pikë dyshimi tifoz i Milanit”. /abcnews.al
