Juventus do të luajë nesër në mbrëmje sfidën e kthimit të gjysmëfinales së Kupës së Italisë përballë Interit, ku të besuarit e Andrea Pirlos do të kërkojnë kalimin në finalen e madhe. Bardhezinjtë kanë disa mungesa për këtë takim, por edhe një rikthim të rëndësishëm.
Mungesa më e madhe konsiderohet ajo e qendërmbrojtësit, Leonardo Bonucci. Sipas raportmit të “La Gazzetta dello Sport”, italiani ka një dëmtim në kofshën e djathtë dhe nuk do të rrezikohet më shumë gjendja e tij, duke marrë parasysh se shumë shpejt do të rinisë dhe Champions League.
Ndërohë, Paulo Dybala pritet të grumbullohet nga trajneri Pirlo. Argjentinasi është stërvitur ditën e djeshme në mënyrë individuale dhe si pasojë do ta nisë ndeshjen nga stoli. Ndërkohë, Juan Cuadrado dhe Rodrigo Bentacur janë në dispozicion për të luajtur, ndërsa gjendja e Aaron Ramsey do të vlerësohet gjatë ditës së sotme. /abcnews.al
