Real Madrid arriti një fitore shumë të rëndësishme ditën e djeshme në transfertën e Huescas, ku madrilenët fituan me rezultatin 1-2. Trajneri Zidane është shprehur shumë i lumtur për triumfin, por e pranon se nuk ishte një ndeshje e lehtë. Ai është i kënaqur me tre pikët dhe performancën e ekipit si dhe deklaron se duhet të vazhdojnë kështu dhe për pjesën e mbetur të sezonit.
“Ishte një fitore me të vërtetë e rëndësishme për ne sepse kemi kaluar një moment jo të mirë kohët e fundit. Tregum shumë karakter dhe kjo fitore na ndihmon që të ecim në drejtimin e duhur. Duhet të tregohemi të duruar dhe të kënaqur me performancën tonë. Padyshim që ishte një ndeshje e vështirë, por arritëm të merrnim tre pikët. Është një sezon i gjatë dhe duhet të vazhdojmë të luftojmë”, deklaron francezi.
“Nuk e filluam mirë sfidën, por pas 20 minutave të para e kishim ne më pas kontrollin e ndeshjes. Duhet të kthehemi në futbollin tonë më të mirë, të cilin të gjithë duam të shikojmë te Real Madrid. Nuk është e lehtë të fitosh kur je duke humbur 1-0. Reaguam shumë mirë pas golit të tyre, por treguam karakter për ta kthyer rezultatin”, përfundon Zidane i lumtur. /abcnews.al
