Kryeministri britanik Boris Johnson ka deklaruar se ai shpreson se do të jetë e sigurt për të rihapur shkollat në 8 Mars.
Në një deklaratë për situatën e COVID-19, kryeministri Johnson tha se ministrat “nuk kanë ende të dhëna të mjaftueshme për të ditur saktësisht se sa shpejt do të jetë e sigurt për të rihapur shoqërinë dhe ekonominë tonë”.
Por ai shprehu shpresën se fëmijët mund të kthehen në shkolla nga e hëna e 8 marsit, me kusht që qeveria të përmbushë qëllimin e saj të vaksinimit për të ofruar vaksinim për të gjithë në katër grupet kryesore të përparësisë nga mesi i muajit tjetër.
Në një konferencë shtypi në Downing Street Johnson theksoi se 8 Marsi ishte data “më e hershme” deri në të cilën qeveria “me përgjegjësi” mund të lejojë fëmijët të kthehen në klasa.
“Unë shpresoj, por kjo është më e hershmja që ne mund ta bëjmë atë dhe kjo varet nga shumë gjëra që të shkojnë siç duhet,” tha ai.
Në deklaratën e tij Johnson u tha deputetëve se ishte qëllimi i qeverisë për të përcaktuar planin e saj për lehtësimin e bllokimit më 22 shkurt./abcnews.al
