Trajneri i Napolit, Gennaro Gattuso, rrezikon shkarkimin nga pankina. Gjithçka do të varet nga dy ndeshjet e ardhshme që napoletanët do të luajnë, ku presidenti Aurelio De Laurentiis kërkon maksimumin.
Ditën e nesërme ata do të luajnë në Kupën e Italisë kundër Spezias, sfidë kjo e vlefshme për një vend në gjysmëfinale. Kjo ndeshje konsiderohet shumë e rëndësishme për presidentin, i cili mesa duket e ka gati zëvendësuesin e Rinos.
Sipas raportimit të “Corriere dello Sport”, De Laurentiis ka kontaktuar me Rafael Benitez. Ky i fundit është aktualisht papunë, pas largimit nga klubi kinezi Dalian Pro. Në rast se gjërat nuk shkojnë mirë për Napolin në dy sfidat e ardhshme, nuk duhet të habitemi nëse kemi një rikthim të spanjollit në stolin napoletan, pasi ai e ka drejtuar ata mes viteve 2013-2015. /abcnews.al
