Pantallona të bardha në dimër: po ajo jo? Ndonëse jemi mësuar ta veshim gjatë muajve të ngrohtë, stili i rrugës na tregon të kundërtën. Blogeret janë burimi më i madh i frymëzimit për stilin tonë të përditshëm, të cilat ndajnë këshillat e duhura për të kombinuar një nga trendet më të “vështira” të sezonit të dimrit: pantallonat e bardha.
Kombinojini pantallonat e bardha me një këmishë të madhe, një jelek të thurur dhe një pallto klasike. Shtoni një çantë elegante dhe një palë syze dielli për një shëtitje në mëngjes.
Kombinimi perfekt dhe një zgjidhje e thjeshtë për përditshmërinë është e bardha e kombinuar me ngjyrën kafe. Zgjidhni pa frikë një dizajn elegant dhe kombinojeni me një palë xhinse me ngjyrë të hapur. Një çantë me zinxhir do të jetë aksesori i fundit për një veshje super elegante.
Një veshje krejt e bardhë mund të bëhet aleati juaj i dimrit. Thjesht kombinoni një palë pantallona të bardha dhe një xhup puffer për t’ju dhënë njëkohësisht stil dhe ngrohtësi.
Klasike dhe e preferuar, e zeza dhe e bardha do të jenë gjithmonë zgjidhja më e sigurt e stilit të përditshëm. Një palë pantallona të bardha kombinuar me një triko të zezë është një zgjedhje ideale për një shëtitje në qytet.
Vlen të theksohet se e bardha ka gjithashtu një anë shumë “të rehatshme” . Tani që komoditeti mbizotëron midis tendencave të fundit, kombinimi i së bardhës me tone të ngjashme është një ide shumë e mirë për ditët e ftohta të dimrit.
Studimet kanë treguar se e kuqja na bën më tërheqës, po gjithashtu më të fortë dhe dominant. Për këtë arsye çantat, këpucët dhe palltot në këtë ngjyrë janë të nevojshme. Një fustan i bardhë kombinuar me një xhup të kuq ofron një pamje sa elegante aq dhe komode në vetëm pak minuta. /abcnews.al/
