Loading ...
KLSH ka ngritur një grup të posaçëm inspektimi pas prishjes së segmentit të rrugës në Borsh të Sarandës, vetëm pak muaj pas rikonstruksionit.
Përgjatë ditës së sotme ,audituesit kanë parë në terren dëmet e shkaktuara si pasojë e rrëshkitjes së rrugës ,duke kryer dhe raportin përkatës.
Lexo edhe: Rruga e Borshit çahet në mes pas reshjeve, ARRSH paralajmëron drejtuesit e mjeteve
Aktualisht rruga kalohet me shumë vështirësi ndërsa pjesa ku ka rëshkitur është mbuluar me qëllim që ujërat e shirave mos të vijojnë të depërtojnë te pjesa e dëmtuar.
Kontrolli i Lartë i Shtetit po shikon me imtësi të gjithë proçedurën që prej anës dokumentare për mirëmbajtjen e rrugës dhe deri te ndërhyrjet fizike që janë kryer apo nuk janë kryer në të.
Dy inxhinierët auditues të Kontrollit të Lartë të Shtetit, janë pjesë e grupit që po kryen dhe verifikimin e dokumentacioneve për këtë projekt.
Rruga u prish pak ditë më parë, vetëm 7 muaj pas rikonstruksionit nga një kompani private duke rrezikuar jetën e shoferëve. /abcnews.al
