Reshjet e dendura kanë vijuar prej ditësh duke shkaktuar përmbytje në zona të ndryshme.
Autoriteti Rrugor Shqiptar bën me dije se në qarkun Kukës dhe Tropojë kanë vijuar edhe reshjet e dendura të borës.
Nëpërmjet një statusi në faqen zyrtare në “Facebook”, ARRSH bën me dije se autoritetet janë duke punuar për pastrimin e rrugës.
Po ashtu puna vijon edhe në aksin Elbasan-Librazhd si edhe në Berat-Çorovodë, në segmentin Strelcë-Moglicë.
Deri me tani sipas Autoritetit Rrugor Shqiptar nuk ka probleme në qarkullimin e automjeteve.
Statusi:
Njoftim mbi gjendjen e akseve kombëtare:
Gjatë natës ka pasur reshje bore në qarkun e Kukësit dhe të Tropojës është punuar për pastrimin e rrugës dhe shpërndarjen e kripës, qarkullimi vazhdon normalisht.
Po punohet me mjete e punëtorë në aksin Elbasan-Librazd pasi ka rënie të inerteve në rrugë, qarkullimi bëhet me dy kalime.
Po punohet në Berat-Çorovodë, në segmentin Strelcë-Moglicë, por pa sjellë probleme me qarkullimin.
/abcnews.al/
