Situata e Covid-19 në Kosovë është drejt përmirësimit.
Kështu është shprehur kryeministri i Kosovës, Avdullah Hoti nëpërmjet një komunikimi në rrjetin social “Facebook”.
Por ndërsa shkruan se gjendja është në ritme pozitive, Hoti shton se qytetarët duhet të tregohen të kujdesshëm pas qarkullimit të variantit të ri të koronavirusit.
Po ashtu Hoti ka publikuar edhe një foto nëpërmjet së cilës tregohen edhe zonat me të rriskuara nga Covid, numri i të cilave është në rënie.
“Rangimi i komunave i bërë sot lidhur me masat anti Covid-19 tregon se po përmirësohet gjendja. Por, duhet të kemi kujdes maksimal pasi tani po qarkullon varianti i ri i virusit covid-19, i cili po përhapet shumë më shpejt”, shkruan Hoti.
/abcnews.al/
