The Weeknd ka befasuar sërish fansat me pamjen e tij, kësaj here në klipin e këngës “Save Your Tears” që publikoi një ditë më parë. Këngëtari kanadez shfaqet në video me proteza në fytyrë, për t’u dukur sikur ka bërë ndërhyrje plastike, përfshirë fillers tek faqet dhe buzët.
Disa ndjekës e krahasuan pamjen e artistit kanadez me personazhet e trilluar televizivë, duke përfshirë Squidëard Tentacles të Spongebob Squarepants. Në një pjesë të klipit, artisti merr një trofe dhe e përplas me forcë në tokë. Për këtë arsye kanë qenë të shumtë ata që kanë spekuluar se në fakt ai ka ironizuar çmimet Grammy, organizatorët e së cilës nuk e nominuan në asnjë çmim këtë vit.
Pak muaj më parë, ai hodhi akuza ndaj Grammy-t duke thënë se janë të korruptuar dhe i detyrohen një shpjegim fansave të tij. Disa spekulojnë se vajza në klip lidhet me ish të dashurën e artistit, Selena Gomez. Madje disa theksuan se ajo ka një palë vathë identike me ato që mban këngëtarja në klipin e këngës “Dance Again” .
Këngëtari kanadez ka mbuluar fyytyrën që nga fillimi i vitit 2020, pas publikimit të albumit të katërt “After Hours”. Ai u shfaq me një fytyrë të gjakosur dhe në klipin e “Blinding Lights”. Artisti zbuloi pak kohë më parë se lëvizja Black Lives Matter edhe Covid-19 e kanë frymëzuar për albumin e tij të ardhshëm. /abcnews.al
