Një ngjarje e rëndë ka ndodhur në Filipine, ku njëmbëdhjetë burra janë akuzuar për përdhunim në grup dhe vrasje të një stjuardese në një vaskë hoteli.
Mediat e huaja bëjnë me dije se Christine Angelica Dacera, 23 vjeç, u përdhunua dhe më pas u vra brutalisht pasi festoi Vitin e Ri me miqtë në një hotel.
Trupi i pajetë i 23 vjeçares është gjetur në vaskë nga kolegu i saj Rommel Galida.
Galida mendoi se Dacera ishte në gjumë dhe e mbuloi me një batanije. Por kur u zgjua disa orë më vonë pa që ajo ishte pa ndjenja dhe se ajo kishte filluar të bëhej blu.
Paraprakisht hetuesit kanë thënë se trupi i gruas së re kishte të nxira dhe prerje në kofshë dhe gjunjë, duke theksuar se trupi i saj gjithashtu tregoi prova se ajo kishte qenë viktimë e sulmit seksual.
Policia fillimisht akuzoi 11 burra për përdhunim dhe vrasje të cilët ishin me Dacer në dhomat e tjera të hotelit. Ndërkohë deri më tani janë arrestuar tre nga burrat e akuzuar tashmë dhe tetë janë në kërkim./abcnews.al
