Radja Nainggolan dje la sërish Interin dhe u rikthye te Cagliari si i huazuar, ku shkëlqeu në sezonin e shkuar. Gjatë kësaj faze të parë të kampionatit belgu ishte pjesë e skuadrës së Contes, por u aktivizua në vetëm 5 ndeshje, pa lënë gjurmë.
Tashmë që e ka lënë Milanon, Nainggolan flet me kritika për Conten, për të cilin shprehet se në njërën nga ndeshjet ai e aktivizoi vetëm për 8 minuta dhe e bëri përgjegjës për gjithçka.
“Te Inter kisha një trajner të shkëlqyer, por unë u lëndova kur ai më aktivizoi vetëm tetë minuta në një ndeshje dhe më pas më bëri përgjegjës për gjithçka. Ç’mund të bëja për 8 minuta?
Unë nuk bëra polemika atëherë dhe nuk do e bëj as tani. Gjithçka ka kaluar. Unë jam plotësisht i shëndetshëm. Nuk kam munguar në asnjë seancë stërvitore dhe as kam ardhur vonë”, u shpreh Nainggolan. /abcnews.al
