Ambasadorja e SHBA-së në Tiranë Yuri Kim ka reaguar pas dorëheqjes së Gent Cakajt nga posti i Ministrit të Jashtëm në detyrë. Ambasadorja falenderon Cakajn për bashkëpunimin dhe forcimin e marrëdhënieve mes dy vendeve.
“Faleminderit Gent Cakaj për të gjitha përpjekjet tuaja për t’u forcuar marrëdhëniet mes SHBA-së dhe Shqipërisë, përfshirë NATO-n si aleatë.
Miqësia midis dy vendeve tona vazhdon për shkak të udhëheqësve si ju. Ju urojmë suksese në të gjitha përpjekjet tuaja të ardhshme. Faleminderit“.
Ambasadorja ka uruar për detyrën e re edhe Olta Xhaçkën që kalon nga ministria e Mbrojtjes te e Jashtmja. “Ne e mirëpresim emërimin e Olta Xhaçkës si Ministre e Jashtme.
Ajo ishte një partner i jashtëzakonshëm në forcimin e marrëdhënieve të mbrojtjes midis SHBA-së dhe Shqipërisë dhe në rritjen e aftësitë si aleat në NATO. Ne shpresojmë të punojmë ngushtë së bashku për të forcuar më tej partneritetin tonë diplomatik” mbyllet postimi./ db/Abcnews.al
