Loading ...
Kryebashkiakja e Dimalit, Juljana Mema është kallëzuar penalisht për shpërdorim detyre dhe shkatërrim i pronës private.
Dosja përcillet nga Prokuroria Berat në SPAK, ndërsa kallëzimi penal është bërë nga Petrit Baho, nën akuzë janë edhe dy punonjës bashkie: Agim Çuni e Pandi Lilo. I akuzuar po ashtu është edhe qytetari Ramadan Baho.
Kallëzimi penal ndaj kryetares së bashkisë Dimal, Juljana Mema është regjistruar në 25 Nëntor 2020 në Prokurorinë e Rrethit Gjyqësor Berat.
Ajo është akuzuar nga shtetasi Petrit Baho,banues në fshatin Poshnje për: shpërdorim detyre, shkatërrim i pronës private,mashtrim dhe falsifikim.
Ndërkohë Prokuroria e Rrethit Berat, për shkak të moskompetencës e ka përcjellë kallëzimin penal në SPAK.
Ky kallëzim penal me nr.protokolli 3676 ka kaluar për kompetencë në SPAK në 02.12.2020.
Denoncimi është bërë nga 60-vjeçari Petrit Baho,i cili deklaron se i është shkatërruar prona nga fadromat e bashkisë në 23 nëntor 2020 dhe pas kësaj bashkia i ka dhënë leje një tjetër qytetari të vijojë ndërtimet në këtë pronën e tij.
“Shtetasi Petrit Baho, i datëlindjes 24.01.1960, lindur dhe banues në fshatin Poshnje,është pronar i pasurisë së paluajtshme me nr.455/12, e llojit “truall dhe godinë 2 KT”, me sipërfaqe 97.6 m2 dhe prona është e regjistruar në zonën kadastrale 3032 në Poshnje. Për këtë pronë, Petrit Baho është i pajisur edhe me çertifikatë pronësie.
Në 25 Nëntor 2020 me një njoftim të firmosur nga kryebashkiakja Juljana Mema për lirimin e hapësirave publike, pranë banesës së tij janë paraqitur disa persona si punonjës të bashkisë dhe pa asnjë dokumentacion ligjor kanë filluar të prishin disa prona aty pranë dhe më pas kanë filluar të prishin edhe objektin me dokumentacion të rrrgullt të shtetasit Petrit Baho.
Pasi është njoftuar policia,e cila nuk ka ndërhyrë,shtetasi Petrit Baho i është drejtuar Gjykatës së Rrethit Gjyqësor Berat për marrjes e masës së sigurimit të padisë. Pak ditë më vonë,mbi pronën e tij ka filluar punimet (që po vijojnë ende) qytetari Ramadan Baho,që pretendon se ka marrë leje nga bashkia”, thuhet në kallzim.
Në lidhje me shkatërrimin e pronës së tij private, Petrit Baho ka kallëzuar penalisht jo vetëm kryebashkiaken Juljana Mema, por edhe dy punonjësit e bashkisë Dimal: Agim Çuni dhe Pandi Pilo për: shpërdorim detyre, shkatërrim i pronës private, mashtrim, falsifikim, kanosje dhe shpifje.
I akuzuar për: ndërtim të paligjshëm,shkatërrim prone dhe falsifikim është edhe shtetasi Ramadan Baho,i cili është favorizuar dhe lejuar nga bashkia Dimal të ndërtojë në pronën e Petrit Bahos.
Petrit dhe Burbuqe Baho i bëjnë apel shtetit të ndërhyjë menjëherë për zgjidhje,pasi siç shprehen ata “bashkia po i vret”.
Bashkëshortët Baho pohojnë se,janë kërcënuar nga shumë persona dhe deklarojnë se kryebashkiakja Mema ka marrë 20 mijë Paund nga Ramadan Baho me qëllim favorizimin e tij për ndërtim.
/abcnews.al/
