Sulmuesi i Interit, Ivan Perisic, është sërish në qendër të merkatos. Sipas raportimit të “Il Corriere dello Sport”, është Manchester United që ka shfaqur sërish interesim për lojtarin e kombëtares kroate.
Kujtojmë që “Djajtë e Kuq” e kanë kërkuar më parë Perisicin në vitin 2017, por një transferim i tillë nuk ndodhi kurrë. Siç flitet në mediat italiane, 31-vjeçari nuk e ka bindur trajnerin Conte dhe drejtuesit zikaltër do t’i mirëpresin të gjithë ofertat që do vijnë për të.
Në këtë sezon të Serie A, Ivan është aktivizuar në 12 ndeshje, kryesisht si zëvendësues ku ka shënuar dhe një gol. Sezonin e kaluar ai ishte pjesë e Bayern Mynich dhe arriti të fitojë tripletën me ta, duke qenë një nga lojtarët kryesorë të gjermanëve. /abcnews.al
