Real Madrid krijoi më shumë volum, por sot Shakhtar Donetsk arriti të fitojë pastër me rezultat 2-0 ndaj madrilenëve dhe të marrë tri pikë shumë të rëndësishme. Pjesa e parë e ndeshjes u mbyll pa gola, me skuadrën e Zidane, që shtyu më shumë në portën e ukrainasve, por pa arritur të tundë rrjetën e Trubin.
Edhe e dyta nisi me diktatin e Realit në lojë, por një kundërsulm dhe më pas një gabim në mbrojtje i dha avantazhin vendasve në minutën e 57-të . Varane nuk u mor vesh me shokun e tij dhe Dentinho përfitoi e ndëshkoi madrilenët.
Golat dhe rastet e ndeshjes SHAKHTAR DONETSK-REAL MADRID
Në fund Real shkoi i gjithi përpara për të barazuar rezultatin, por pësoi sërish prej një kundërsulmi. Këtë herë nuk kishte gabim sepse Solomon mësyu në zonë dhe lëshoi një predhë të pandalshme nga Courtois. Me këtë rezultat, Real Madrid e lë çështjen e kualifikimit për në ndeshjen e fundit.
Golat dhe rastet e ndeshjes LOKOMOTIV MOSCOW-SALZBURG
Në ndeshjen tjetër mes Lokomotiv Moscow shkëlqeu një shqiptar. Mërgim Berisha shënoi dy gola dhe ndihmoi skuadrën austriake arrinte një triumf me shifrat 1-3 në transfertë, për t’i lënë të shpresojnë deri në fund për kualifikimin në fazën tjetër të Champions League. /abcnews.al
Champions League, Faza e Grupeve
Grupi B
Shakhtar Donetsk – Real Madrid 2-0
Shënues: Dentinho 57’, Solomon 82’
Grupi A
Lokomotiv Moscow-Salzburg 1-3
Shënues: Berisha 28’, 41’, Adeyemi 81’/ Miranchuk 79’ (pen)
