Rihanna ka ndezur spekulimet se do të interpretojë në “Black Panther 2”, pasi u shfaq si një anëtare e kastit në rezultatet e kërkimit në Google. Kaq ka mjaftuar që fansat të spekulojnë se këngëtarja me famë botërore i ka hyrë dhe botës së aktrimit.
Aktualisht, motori i kërkimit ka Rihannën, të listuar si një anëtare e kastit së bashku me disa aktorë të tjerë si Michael B. Jordan dhe Letitia Wright. “Aktualisht u trondita sepse @rihanna është renditur si një anëtare e kastit për Black Panther II,” shkroi një përdorues në twitter.
Megjithatë, disa të tjerë ishin skeptikë se rezultati i kërkimit Google nënkuptonte që Rihanna po shfaqej në film.”Ju vërtet besoni se Rihanna do të jetë në Black Panther 2 bazuar në … një kërkim në Google …” shkroi një tjetër. /abcnews.al
