Loading ...
27 raste të reja me koronavirus janë konfirmuar këtë të hënë në Vlorë. Burime për ABC bëjnë me dije se rastet e prekura me Covid janë 2 punonjëse në kopshtin numër 2, dy punonjës pranë drejtorisë së policisë dhe drejtorisë së Kufiri dhe emigracionit.
Gjithashtu të infektuar me koronavirus të konfirmuar gjatë orëve të fundit në këtë qytet, janë infermierë, punonjës pranë ujësjellësit, qendrës ekonomike dhe pranë bashkisë Vlorë.
Ndërsa rastet e tjera janë kryesisht familjarë të rasteve të mëparshme.
Ndërkohë gjatë kësaj të hënë në vendin tonë është shënuar një rekord infektimesh ku janë konfirmuar 602 raste të reja dhe kanë humbur jetën 8 persona. /abcnews.al
