Komisioni i Pavarur i Kualifikimit ka konfirmuar në detyrë prokuroren Dorina Bejko.
Drejtuesja e Prokurorisë së Pogradecit, Dorina Bejko u përball të premten me gjetjet e Komisionit të Pavarur të Kualifikimit për rivlerësimin kalimtar.
Komisioni i Pavarur i Kualifikimit konstatoi pasaktësi dhe mospërputhje për likujditetet dhe burimin e krijimit të disa pasurive, ndërkohë që Bejko u vlerësua pozitivisht për figurën dhe profesionalizmin.
Dorina Bejko ka përfunduar studimet në Shkollën e Magjistraturës në vitin 2007 dhe është emëruar prokurore në Prokurorinë e Rrethit të Pogradecit.
Aktualisht ajo e ushtron funksionin si drejtuese e përkohshme në këtë prokurori.
n.d./abcnews.al
