Shpesh herë ka patur debate se kush është atleti më i shpejtë në botë. Sprinteri xhamajkan Usain Bolt ka dominuar për vite me radhë, por si do të ishte rezultati nëse kundër tij do të ishte Cristiano Ronaldo?
Në një intervistë për “Marca”, Bolt që tashmë është tërhequr nga garat e pranon se portugezi është më mirë aktualisht. “Nëse unë do të bëja një garë me CR7, ai do të fitonte padyshim. Arsyeja e vetme është sepse Ronaldo është ende aktiv dhe punon çdo ditë. Sipas mendimit tim ai është një super atlet”, deklaron 34-vjeçari.
“Cristiano është gjithmonë i pari në sportin e tij. Punon shumë dhe është gjithmonë i përqëndruar. E ritheksoj se Ronaldo do të ishte më i shpejtë se unë në rast se ne do të garonim”, përfundon Bolt, i cili mban ende rekordin botëror në 100 dhe 200 metra. /abcnews.al
