Muajin e kaluar, dhurata e Kanye West për 40-vjetorin e lindjes së Kim Kardashian mori vëmendje ndërkombëtare, i cili organizoi një hologram të babait të ndjerë të saj Robert Kardashian, i cili vdiq në vitin 2003.
Nëna e 4 fëmijëve publikoi në rrjete sociale një video, ku tregon momentin që nëna e saj Kris Jenner dhe motrat Khloe dhe Kourtney emocionohen pasi panë këtë hologramin e të atit të tyre. Ylli televiziv e konsideroi surprizën e bashkëshortit të saj si “dhuratën më domethënëse të jetës”.
View this post on Instagram
“Për ditëlindjen time, Kanye më bëri dhuratën më domethënëse të jetës. Një surprizë e veçantë nga parajsa. Një hologram i babait tim. Është kaq e gjallë sa që ne e shikonim pa pushim, të përlotur dhe të emocionuar.
Nuk arrij ta përshkruaj sesa domethënëse ishte për mua dhe motrat e mia, për vëllain tim, për nënën dhe miqtë e ngushtë. Faleminderit Kanye për këtë kujtim që do zgjasë përgjithmonë”, shkroi Kim. /abcnews.al
