Mbyllen miqësoret e ndeshjeve të darkës. Belgjika përmbysi disavantazhin e pjesës së parë ndaj Zvicrës (realizoi Admir Mehmedi), shënoi dy herë në pjesën e dytë falë dygolëshit të Michy Batshuayi dhe fitoi 2-1.
Fitore minimale edhe për Gjermaninë. Skuadrës së Joachim Low i mjaftoi goli i Gian-Luca Ëaldschmidt në pjesën e parë për të thyer në Leipzig kombëtaren e Çekisë. Triumfon edhe Italia në Firence kundër Estonisë.
Djemtë e Roberto Mancinit fituan 4-0. Vincenzo Grifo i Freiburg dhe Federico Bernardeschi realizuan dy gola të bukur në pjesën e parë, teksa “pokeri” u plotësua nga dy penallti të kthyera në gola në fraksionin e dytë.
Full-time scores in International Friendlies
?? Netherlands 1-1 Spain ??
?? Italy 4-0 Estonia ??
?? Germany 1-0 Czech Republic ??
?? Belgium 2-1 Switzerland ??
?? Portugal 7-0 Andorra ??
?? Poland 2-0 Ukraine ?? pic.twitter.com/yNX4rsUGva— International Champions Cup (@IntChampionsCup) November 11, 2020
Grifo kompletoi dygolëshin personal, teksa pati festë edhe për Riccardo Orsolinin. Portugalia nuk u përmbajt përballë modestëve të Andorrës. Kampionët në fuqi të Europës shënuan 7 gola, me Cristiano Ronaldon autor i njërit prej tyre (102 gola me luzitanët për CR7).
“Paqe” në Amsterdam midis Holandës dhe Spanjës. Sfida e luajtur në kryeqytet u mbyll në barazim 1-1. Sergio Canales kaloi iberikët në avantazh pas çerek ore lojë, teksa Donny van de Beek evitoi humbjen e vendasve në minutat e para të pjesës së dytë.
