Patrice Evra ngacmon interistët dhe mikun e tij, Arturo Vidal, me të cilin ka qenë shok skuadre te Juventusi. Francezi ka postuar në rrjete sociale një foto, ku në të shfaqet ai dhe Andrea Pirlo, aktualisht trajner i kampionëve në fuqi të Italisë.
Në foto është edhe Arturo Vidal, të cilit Evra ia ka mbuluar fytyrën me një “emoji”. Francezi nuk mjaftohet me kaq, pasi gjithçka e ka shoqëruar me një dialog mes tij dhe Pirlos. Sigurisht në shënjestër është Interi dhe Vidal.
“Pat, kush është ai pas teje?”, janë fjalët e Pirlos në dialogu, ndërkohë që merr edhe përgjigjen. “Nëse nuk e kam humbur kujtesën, ky djalë ka luajtur me ne më parë”, përgjigjet Evra, ndërkohë që postimin e shoqëron me një tjetër mesazh.
“Fitorja nuk është e rëndësishme, është e vetmja gjë që llogaritet. Por të jesh juventin deri në fund është e vetmja gjë që vlen gjithashtu (Më vjen keq Vidal)”, shkruan francezi në postimin e bërë në “Instagram”. /abcnews.al
https://www.instagram.com/p/CHatj3Tn1YH/?utm_source=ig_web_copy_link
