Loading ...
Sjellja nënkupton gjëra që nuk thuhen dot me fjalë në shumë raste. Mund të jeni shumë xhelozë dhe posesivë me partnerin tuaj, duke kontrolluar analizuar gjithë sjelljen e tij apo gjithçka çfarë ka bërë. Megjithatë, ka disa shenja të pagabueshme që tregojnë se ai/ajo mund të ketë një tjetër.
Miku i tyre “special” është i pari.
Zënkat zakonisht bëhen për personin e tretë që futet mes jush. Fokusi i partnerit është më shumë tek personi tjetër dhe ky “mik” i duket më i rëndësishëm sesa ju. Edhe nëse përpiqeni të bëni më të mirën për të shpjeguar se ky mik shkakton gjithë zhurmën mes jush, gjërat nuk ndryshojnë.
Ata nuk duan të ndryshojnë planet e tyre për ju.
Në të kaluarën, ata nuk e humbisnin për asnjë arsye mundësinë për të kaluar kohë me ju. Ndërkohë që tashmë, qëndrojnë më të fiksuar pas planeve dhe nuk duan t’i ndryshojnë ato, pa marrë parasysh sa tërheqëse mund të jetë ideja juaj.
Ata fillojnë t’i duan rrjetet sociale krejt papritur.
Në përgjithësi, interesi i partnerit tuaj për telefonat, mediat sociale dhe teknologjinë mund të rritet. Edhe pse ata kanë qenë gjithmonë kundër faqeve sociale dhe rrallë i përdorin ato, tani nuk mund ta lënë për një moment anash telefonin e tyre. Mund të vini re se ndalojnë së shkruari në momentin që hyni në dhomë papritur.
Nuk lejojnë të kontrolloni telefonat e tyre.
Përpiqen vazhdimisht t’ju ndalojnë të kontrolloni telefonin e tyre. Nëse kanë vendosur një fjalëkalim, kjo tregon se gjërat nuk janë si më parë.
Nuk flasin më hapur me ju.
Nëse partneri juaj është fiksuar pas dikujt tjetër, do të vini re se nuk ju kushton shumë vëmendje. Ndalojnë së foluri rreth problemeve që kanë apo për lajmet e mira. Kjo ndodh sepse ata po marrin mbështetje jashtë marrëdhënies tuaj.
Ju bëjnë të ndiheni si të “çmendur” kur diskutoni temën e tradhtisë.
Kur të filloni të flisni për këtë “mik të veçantë”, ata tentojnë vazhdimisht ta mbrojnë veten dhe t’ju kritikojnë. Shenja më e fortë ndodh kur ata tentojna ta mbrojnë personin në fjalë edhe kur dëgjojnë komentin më të vogël negativ.
Anulojnë planet me ju për të qenë pranë “mikut” të ri.
Mezi prisni të dilni për darkë me partnerin, por krejt papritur plani anulohet. Afera e tyre emocionale duhet të jetë kuptimploë dhe e rëndësiashme saqë kanë filluar të të injorojnë.
Mërziten me ju pa ndonjë arsye.
Nëse janë të mërzitur se nuk kanë kaluar kohën e mjaftueshme me këtë mik të ri, ata mund të reagojnë në mënyrë irrituese. Ndoshta dhe mund të keni bërë shumë pyetje rreth këtij personi disa orë më parë. /abcnews.al
