Dy të rinj në Kukës janë arrestuar për veprat penale “Falsifikimi i letërnjoftimeve, pasaportave ose vizave” dhe “Mbajtja pa leje e armëve të ftohta”.
Njoftohet se në pranga u vunë në flagrancë E. B., 28 vjeç dhe E. Ç., 22 vjeç, të dy banues në Kukës.
Arrestimi i tyre u bë pasi, në aksin rrugor Morinë-Kukës, gjatë kontrollit të ushtruar nga policia në automjetin tip “Benz”, me drejtues E. B. dhe pasagjer E. Ç., u gjetën një leje drejtimi automjeti polake dhe një letërnjoftimi polake me të dhënat e shtetasit polak M. B., të dyshuara të falsifikuara. ]
Po ashtu, në automjet policia gjeti 1 shkop bejsbolli, që u sekuestrua bashkë me dokumentet, në cilësinë e provës materiale.
Materialet u referuan në Prokurorinë pranë Gjykatës së Shkallës së Parë Kukës, për veprat penale “Falsifikimi i letërnjoftimeve, pasaportave ose vizave” dhe “Mbajtja pa leje e armëve të ftohta”. s.b/abcnews.al/
