Familja Mbretërore ka njoftuar lindjen e vajzës së Princit Leka dhe Elias.
Ashtu siç njoftoi më herët ekskluzivisht abcnews.al, vetë Princi Leka ka shkruar në Facebook për lindjen e vajzës duke konfirmuar se e vogla do të quhet Geraldina, ashtu si edhe emri i Mbretëreshës Geraldinë.
“Familja Mbretërore Shqiptare është e lumtur të bashkëndajë lajmin e lindjes së Lartësisë së Saj Mbretërore Princeshës Geraldinë që u erdhi në jetë Lartësive të Tyre Mbretërore Princit Leka të Shqiptarëve dhe Princeshës Elia, ditën e enjte, 22 tetor 2020, ora 09:30“, shkruan Princ Leka në Facebook.
Abcneës.al raportoi ekskluzivisht paraditen e sotme në lidhje me lindjen e Elias duke zbuluar edhe emrin e vajzës.
Postimi i plotë i Princ Lekës
Familja Mbretërore Shqiptare është e lumtur të bashkëndajë lajmin e lindjes së Lartësisë së Saj Mbretërore Princeshës Geraldinë që u erdhi në jetë Lartësive të Tyre Mbretërore Princit Leka të Shqiptarëve dhe Princeshës Elia, ditën e enjte, 22 tetor 2020, ora 09:30.
Princesha Elia lindi pa vështirësi në spitalin obstetrik-gjinekologjik “Mbretëresha Geraldinë” në Tiranë.
Si nëna ashtu edhe bebi gëzojnë shëndet të plotë, falë edhe kujdesit të lavdërueshëm të personelit mjeksor. /abcnews.al
