Humbja e dytë radhazi në shtëpi dhe shenja krize te Real Madrid. Kampionët e Spanjës u mposhtën 2-3 nga Shakhtar Donetsk në sfidën e parë të fazës së grupeve në Champions League, teksa në fundjavë dështuan edhe përballë Cadiz në kampionat (0-1).
Trajneri i “Los Blancos”, Zinedine Zidane merr përsipër përgjegjësitë e disfatës së sotme në konferencën e zakonshme për shtypin, ku ndër të tjera tha: “Më vjen keq për këtë që po ndodh, përgjegjësitë janë të gjithë të miat.
Golat dhe rastet e REAL MADRID-SHAKHTAR DONETSK
Skuadra nuk luajti ashtu siç i kërkova ta bënte dhe kur ndodh një gjë e tillë, është faji i trajnerit. Lojtarët luajnë në fushë dhe kanë nevojë për zgjidhje. Luajtëm shumë keq, nuk ka nevojë të shtoj ndonjë gjë tjetër për humbjen me Shakhtar.
Nuk ia dolëm të bënim as gjërat që bëjmë gjithmonë. Është momenti të stërvitemi fort dhe të shkojmë me kokën lart në El Clasico (Barcelona-Real Madrid, 24 tetor), një ndeshje shumë e rëndësishme“, deklaron Zidane. /abcnews.al
