Një avion ushtarak rus është rrëzuar këtë të mërkurë në Rajonin Khabarovsk në Lindjen e Largët Ruse.
Mediat vendase bëjnë me dije se avioni Sukhoi Su-34, është rrëzuar gjatë një procesi stërvitor të ushtrisë ruse. Avioni bombardues është prodhuar në vitin 2005 dhe ka ekuipazh prej dy pilotëve.
Kjo nuk është hera e parë që aeroplanët Su-34, rrëzohen gjatë ushtrimeve të rregullta ushtarake.
Ndërkohë në shumicën e rasteve deri te rrëzimi i avionëve luftarakë rusë vjen për shkak të problemeve teknike, probleme të cilat janë si pasojë e vështirësive financiare të kompanive ushtarake ruse që prodhojnë aeroplanë të tillë.
Element tjetër i kësaj pasigurie është edhe nxitja nga faktori politik, që ende pa i kryer të gjitha fazat e testimit, fillon prodhimi serik. e.su./abcnews.al
