Loading ...
17 gola janë shënuar në gjashtë përballjet e mbrëmjes në Champions League. PSG-Manchester United ishte dueli më i fortë, por në fund festuan miqtë pas fitores 1-2. Anglezët kaluan të parët në avantazh në pjesën e parë me anë të Bruno Fernandes nga pika e penalltisë.
Keylor Navas priti gjuajtjen e parë të kapitenit të ri të “Djajve të Kuq”, por goditja u përsërit nga arbitri kryesor. Portugezi u tregua i saktë herën e dytë dhe United në avantazh. PSG gjeti golin e barazimit në minutat e para të pjesës së dytë.
Golat dhe rastet e PSG-MANCHESTER UNITED
Goditje këndi për vendasit dhe autogol me kokë i Anthony Martial. Gjithsesi, United shënoi një gol të bukur me anë të Markus Rashford tre minuta nga fundi dhe u kthye në shtëpi me tre pikë të rëndësishme. Merita ka edhe David De Gea, i cili frenoi sulmet franceze me pritjet e tij.
Barcelona e nisi keq duelin në “Camp Nou” përballë Ferencvaros, por në fund triumfoi 5-1. Kampionët e Hungarisë, pjesë e të cilëve është edhe Myrto Uzuni (mungoi pasi ka rezultuar pozitiv me koronavirus), shënoi një gol (u anulua për pozicion të parregullt) dhe goditi traversën.
Golat dhe rastet e BARCELONA-FERENCVAROS
Vetëm kaq pasi Leo Messi me një penallti të fituar po vetë dhe Ansu Fati, i dhuruan katalanasve të Roland Koeman avantazhin e dyfishtë. Në pjesën e dytë erdhën edhe rrjetat e Philippe Coutinhos, talentit Pedri dhe Ousmane Dembele, teksa miqtë realizuan golin e nderit nga pika e penalltisë.
Golat dhe rastet e LAZIO-DORTMUND
Spektakël, gafa dhe gola në “Olimpico” mes Lazios dhe Dortmundit. Ekipi italian e nisi shumë mirë aventurën në Champions League, duke arritur një fitore 3-1. Ciro Immobile, Felipe Luiz dhe Jean Akpa Akpro shënuan për vendasit, ndërsa rrjeta e Erling Haaland nuk i vlejti verdhezinjve gjermanë.
⏰ RESULTS ⏰
? What. A. Night!
? Manchester United, Lazio, Club Brugge, Juventus
Barcelona & Leipzig claim matchday 1 wins ?? Best performance? #UCL
— UEFA Champions League (@ChampionsLeague) October 20, 2020
Debutim fantastik në kompeticionin më të rëndësishëm për klube për Thomas Strakoshën (titullar si gjithmonë mes shtyllave të Lazios) dhe Vedat Muriqin, i cili u fut në fushë në minutën e 67-të në vend të Angel Correas.
Në sfidat e tjera ra në sy barazimi i bardhë mes Chelsea dhe Sevillas. Pa fitues u mbyll edhe takimi Rennes-Krasnodar, me dy ekipet që ndanë nga një pikë pas rezultatit 1-1. Fitore shtëpiake për Leipzig, që iu fal dy golave të spanjollit Angelino në pjesën e parë për të triumfuar ndaj turqve të Basaksehir. /abcnews.al
Golat dhe rastet e LEIPZIG-BASAKSEHIR
