Max Ehrich duket se nuk e ka kapërcyer akoma faktin se është ndarë nga Demi Lovato. Ndarja e tyre erdhi pak javë më parë, vetëm dy muaj pasi ata shpallën fejesën. Pak ditë më pas, Lovato publikoi këngën “Still Have Me” që nga fansat e saj u pa si një dedikim ndaj ish të fejuarit.
Ky i fundit e ka përjetuar keq ndarjen, i cili u shpreh se e mori vesh se fejesa e tyre ka marrë fund nëpërmjet një tabloidi, ndërsa hodhi akuza ndaj saj se e ka përdorur atë për qëllime marketingu. Por, së fundmi ai ka publikuar një këngë të titulluar “I’m afraid”.
“Kam frikë të të dua, të dua, kam frikë të jap gjithçka”, janë disa nga fjalët e ish partnerit të këngëtares. Nga ana tjater, duket se artistja e ka hedhur pas të shkuarën me Ehrich pasi u fotografua nën shoqërinë e Mod Sun, i cili ka qenë në një lidhje me aktoren Bella Thorne.
Demi është fotografuar në një makinë duke qeshur dhe dukeshin shumë të afërt me njëri-tjetrin. Megjithatë, këngëtarja nuk ka komentuar asgjë rreth këtyre lajmeve, por burime për “E! Online” janë shprehur se Demi dhe Mod janë thjesht miq. xh.d/abcnews.al
