Projekti më i fundit i Bebe Rexhës mban titullin “Baby I’m Jealous”. Kënga e bëri bashkë artisten shqiptare me reperen amerikane Doja Cat, dhe ndërsa kanë kaluar vetëm pak ditë nga lançimi ka arritur të shënojë një sukses të jashtëzakonshëm.
Kënga është pritur shumë mirë nga fansat dhe deri më tani ka arritur mbi 11 milionë klikime në kanalin YouTube. Ndërkohë, aktualisht renditet e para në listën e këngëve “Top 10 Global Song Debuts” të platformës më të madhe të muzikës në botë, Spotify.
Kënga e sjell Bebe-n krejt ndryshe nga çfarë jemi mësuar ta shikojmë gjithmonë, pasi shfaqet me flokë të kuqe. Kujtojmë që Bebe po shijon romancën e re të dashurisë me kineastin Keyan Safyari. Në një intervistë të dhënë së fundmi, Bebe është shprehur se ndjen se ai është i duhuri për të.
Madje gjërat mes tyre duken se janë serioze, pasi e ka prezantuar dhe me familjen e saj. “Ky djalë është i veçantë, ai kujdeset për mua, e kupton karrierën time dhe atë që bëj. Familja ime e do atë.”, tha Bebe. xh.d/abcnews.al
