Koronavirusi po shkakton probleme të mëdha në futboll. Infektime pafund, lojtarë pozitivë dhe të izoluar, dhe ndeshja të anuluara apo të shtyera.
Islanda pret Belgjikën në shtëpi sonte në mbrëmje (20:45), takim për llogari të Nations League. Probleme të mëdha për kombëtaren vikinge, që nuk do të ketë në stol trajnerin Erik Hamren.
Ky i fundit dhe gjithë pjesëtarët e stafit të tij teknik, janë izoluar si pasojë e një rasti pozitiv me Covid-19. Një vendim që nuk prek lojtarët, të cilët do të përballen me “Djajtë e Kuq” të Martinez.
Islanda do të drejtohet në stol nga Arnar Thor Vidarsson, trajneri i kombëtares U21. Trajneri i Islandës U17, David Snorri Jonasson do të jetë ndihmësi i tij. /abcnews.al
