Trajneri i Juventusit, Andrea Pirlo, ka dhënë një intervistë sot, ku ka treguar se cili trajner është i preferuari i tij, si dhe zbuloi se si është Cristiano Ronaldo në stërvitje, duke e konsideruar si një shembull për të gjithë dhe një simbol i futbollit.
“Në vitet që qëndrova pushim, nisa të studioja dhe pashë që ky pasion rritej ditë pas dite, kalimi në rolin e trajnerit ishte automatik. Kam pasur fatin që të kisha trajnerë shumë të mëdhenj, por Guardiola është një shembull për të gjithë, tregon dhe ka treguar se është më i miri, apo një prej më të mirëve.
Për një trajner të ri, që fillon të stërvisë dhe ka dëshirën të prodhojë një futboll argëtues, mendoj se është modeli që duhet ndjekur.
Jam shumë i lumtur që punoj me Ronaldon, është simbol i futbollit botëror dhe ta kesh çdo ditë në dispozicion, ta shohësh të stërvitet, të kënaq jashtë mase, mua dhe të gjithë skuadrën. Punon në moshën 35-vjeçare si të ishte një djalosh dhe ka ende të njëjtin pasion”, u shpreh Pirlo..abcnews.al
