Dy persona janë arrestuar dhe dy të tjerë janë shpallur në kërkim me finalizmin e operacionit policor antidrogë të koduar “Thethi”. Njoftohet se në pranga është vënë T. K. 39 vjeç, banues në fshatin Theth dhe A. T. 23 vjeç, banues në fshatin Abat, Shkodër.
Ndërsa, në kërkim janë shpallur GJ. L. dhe M. D.
Katër personat të lartpërmendur janë kapur nga Policia në fshatin Reç, duke transportuar lëndë narkotike dhe në momentin që është ndërhyrë nga punonjësit e policisë, mjeti tip “Renault” me drejtues A. T. dhe pasagjer shtetasi T. K. ka tentuar të largohet më shpejtësi, por është ndaluar në ndjekje e sipër nga shërbimet e Policisë.
Pas ndalimit të mjetit dhe kontrollit të ushtruar në pjesën e pasme janë konstatuar dy çanta dhe një qese plastike me 8 kg lëndë narkotike cannabis sativa, e cila u sekuestrua në cilësinë e provës materiale, së bashku me automjetin dhe 2 aparate celularë.
Nga veprimet hetimore rezulton se në këtë veprimtari janë të implikuar edhe GJ. L. dhe M. D., të cilët janë shpallur në kërkim dhe vijon puna për kapjen e tyre.
Materialet iu referuan Prokurorisë së Rrethit Gjyqësor Shkodër, për veprat penale “Prodhimi dhe shitja e narkotikëve” dhe “Kultivim i bimëve narkotike, e kryer në bashkëpunim”. s.b/abcnews.al/
