Loading ...
Federico Chiesa është i Juventusit dhe në Firence nuk janë të kënaqur me këtë lëvizje. Sigurisht bëhet fjalë për tifozët, pasi klubi në fund arkëton 50 milion euro pas dy viteve dhe është një marrëveshje me leverdi.
Pasditen e djeshme ai kreu vizitat mjekësore në klinikën “Fanfani” dhe pasi doli nga aty hasi në reagimet e tifozëve të Firence, që nisën të thërrisnin në kor “Turp për ju”, “Tradhtar” dhe “kloun”.
Nuk kanë munguar edhe pankartat në stadiumin “Artemio Franchi”, mes tyre një ku në të shkruhet: “ Të tradhtosh atë që të ka rritur dhe mbrojtur është mungesa më e madhe e respektit. Firence nuk është më shtëpia jote… Bukëshkalë”. /abcnews.al
